ການ​ແຍກ​ປະ​ເພດ ​ແລະ ມູນ​ຄ່າ

ສິນຄ້າ​ນໍາ​ເຂົ້າ​ຕ້ອງ​ເສຍ​ພາສີ​ຕາມ​ເປີ​ເຊັນ​ຂອງ​ມູນ​ຄ່າ​ພາສີ​ທີ່​ໄດ້ແຈ້ງ​​ໄວ້​. ອັດຕາ​ພາສີ​ຕໍ່​ກັບ​ສິນຄ້າ​ນໍາ​ເຂົ້າ​ມາ​ໃນ​ປະເທດລາວ​ແມ່ນ​ແຕກ​ຕ່າງ​ກັນ ອີງ​​ຕາມ​ປະ​ເພດ​ສິນຄ້າ ​ແລະ ປະ​ເທດ​ຕົ້ນ​ກໍາ​ເນີ​ດສິນຄ້າ.

ສິນຄ້າ​ຖືກ​ແຍກ​ປະ​ເພດ ​ໂດຍ​ນໍາ​ໃຊ້​ລະຫັດ​ລະບົບພິກັດ​ອັດຕາ​ພາສີ [Harmonized System(HS)] 8 ຕົວ​​ເລກ ​ເຊິ່ງຖືກຄຸ້ມ​ຄອງ ​ແລະ ປັບປຸງ​​ເປັນ​ແຕ່​ໄລຍະ ​ໂດຍ​ອົງການ​ພາສີ​ໂລກ (WCO). ການ​ແຍກ​ປະ​ເພດອັດຕາ​ພາສີ​ຂອງ​ລາວ​ສອດຄ່ອງ​ກັບ​ມາດຕະຖານ AHTN ຂອງ​ອາ​ຊຽນ (ລະບົບ​ຈໍາ​ແນ​ກອັດຕາ​ພາສີ​ຂອງ​ອາ​ຊຽນ ຫຼື ASEAN Harmonized Tariff Nomenclature).

ທ່ານ​ສາມາດ​ເບິ່ງ​ການ​ແຍກ​ປະ​ເພດ​ພາສີ ​ແລະ ອັດຕາ​ພາສີ​ຂອງ​ລາວ​ໃນ​ແບບ​ຄົບ​ຖ້ວນ​ໄດ້​ໃນ​ເວັບ​ໄຊທ໌​ນີ້ ​ດ້ວຍ​ຕົວ​ຊ່ວຍ ການ​ຄົ້ນ​ຫາ​ຜະລິດ​ຕະພັນ.

ມັນ​ແມ່ນ​ຄວາມ​ຮັບຜິດຊອບ​ຂອງ​ທ່ານ​ໃນ​ການ​ແຈ້ງ​ປະ​ເພດ​, ຕົ້ນ​ທາງ, ມູນ​ຄ່າ ​ແລະ ປະລິມານ​ທີ່​ຖືກຕ້ອງຂອງ​ສິນຄ້າ​ ທີ່​ທ່ານ​ກໍາລັງ​ນໍາ​ເຂົ້າ​ມາ. ຖ້າ​ມີ​ຂໍ້​ສົງ​ໃສ ກະລຸນາຂໍ​ຄໍາ​ແນະ​ນໍາ​ຈາກ​ກົມ​ພາສີ.

ພື້ນຖານ​ສໍາລັບ​ການ​ຄິດ​​ໄລ່​ພາສີ​ແມ່ນ​ມູນ​ຄ່າ​ຊື້​ຂາຍ​ຕົວ​ຈິງ​ຂອງ​ສິນຄ້າ (ອີງ​ຕາມ​ຫຼັກຖານ​ທີ່​ເປັນ​ໃບ​ຮຽກ​ເກັບ​ເງິນ​ທາງ​ການ​ຄ້າ ຫຼື ​ເອກະສານສັນຍາ​ຊື້​ຂາຍ​ອື່ນ). ຖ້າ​ມູນ​ຄ່າ​ຂອງ​ສິນຄ້າ​ບໍ່​ສາມາດ​ກໍານົດ​ໄດ້​ໂດຍ​ວິທີ​ການ​ນີ້ ເຈົ້າໜ້າທີ່​ພາ ສີ​ຈະ​ພະຍາຍາມ​ກໍານົດ​ມູນ​ຄ່າ​ຂອງ​ສິນຄ້າ ​ໂດຍ​ນໍາ​ໃຊ້ 5 ວິທີ​ການ​ອື່ນໂດຍ​ສອດຄ່ອງ​ກັບມາດຕາ 7 ຂອງ​ຂໍ້​ຕົກລົງ​ທົ່ວ​ໄປ​ວ່າ​ດ້ວຍ​ອັດຕາ​ພາສີ ​ແລະ ການ​ຄ້າ (GATT 1947).

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s