ກາ​ນ​ແຈ້ງ​ພາສີ​ນໍາ​ເຂົ້າ

ທຸກ​ສິນຄ້າ​ທີ່​ນໍາ​ເຂົ້າ​ມາ​ໃນ​ປະ​ເທດ​ລາວ​ຕ້ອງ​ໄດ້​ແຈ້ງພາສີ ​ແລະ ​ເສຍ​ພາສີ​ຕາມ​ລະ​ບຽບການ ​ເວັ້ນ​ເສຍ​ແຕ່​ວ່າ​ພວກ​ມັນ​ຢູ່​ພາຍ​ໃຕ້​ປະ​ເພດ​ທີ່​ໄດ້​ຮັບ​ການ​ຍົກ​ເວັ້ນພາສີ ຫຼື ງົດ​ເກັບ​ພາສີ​.

​ໃບ​ແຈ້​ງພາສີ​ຖືກ​ເຮັດຂື້ນ​ໂດຍ​ການ​ສົ່ງ​ແບບ​ຟອມ ACDD ທີ່​ເຮັດ​ສໍາ​ເລັດ ​ແລະ ​ເຊັນ​ຊື່​ຢ່າງ​ຖືກຕ້ອງພ້ອມ​ກັບ​ເອກະ ສານ​ອ້າງ​ອີງ​ຢ່າງ​ນ້ອຍ​ສຸດ​​ແມ່ນ​ປະກອບ​ມີດັ່ງຕໍ່​ໄປ​ນີ້:

  • ​ໃບ​ຮຽກ​ເກັບ​ເງິນ ຫຼື ສັນຍາ​ຂາຍ​ສິນຄ້າ​ຈາກ​ຜູ້​ສະໜອງ​ສິນຄ້າ;
  • ​ເອກະສານ​ການ​ຂົນ​ສົ່ງເຊັ່ນ​: ໃບ​ສົ່ງ​ສິນຄ້າ​ທາງ​ທະ​ເລ (Bill of Lading) ຫຼື ​ໃບ​ສົ່ງ​ສິນຄ້າ​ທາງ​ອາກາດ (Air Way Bill);
  • ລາຍການ​ຫຸ້ມ​ຫໍ່ [Packing] List (ຖ້າ​ມີ);
  • ​ໃບ​ຢັ້ງຢືນແຫຼ່ງກໍາເນີດສິນຄ້າ. ​ທ່ານ​ຄວນ​ຈະ​ໄດ້​ຮັບ​ໃບ​ຢັ້ງຢືນ​ນີ້​ຈາກ​ຜູ້​ສົ່ງ​ອອກ​ສິນຄ້າ​ຂອງ​ທ່ານ;
  • ​ໃບ​ອະນຸຍາດ ຫຼື ​ໃບ​ອະນຸມັດ​ການ​ນໍາ​ເຂົ້າທີ່​​ໄດ້​ຮັບ​ຈາກ​ກະຊວງ​ອື່ນ ​ເຊິ່ງຂຶ້ນ​ກັບປະ​ເພດ​ສິນຄ້າ​ທີ່​ທ່ານ​ກໍາລັງ​ນໍາ​ເຂົ້າ.

ການ​ແຈ້ງ​ພາສີສາມາດ​ສົ່ງ​ຢູ່​ຫ້ອງການ​ພາສີ​ເຂດ​ທ້ອງ​ຖິ່ນ​ຂອງ​ທ່ານ. ຄລິກທີ່​ນີ້ ​ເພື່ອ​ເບິ່ງ​ລາຍ​ຊື່​ຫ້ອງການ​ພາສີ​ທັງ​ໝົດ​ບ່ອນ​ທີ່​ທ່ານ​ສາມາດ​ສົ່ງ​ໃບ​ແຈ້ງ​ພາສີ ​ແລະ ຊໍາລະ​ພາສີ​ສໍາລັບ​ສິນຄ້າ​ຂອງ​ທ່ານ.

​ໃບ​ແຈ້ງ​ພາສີ​ຕ້ອງ​ໄດ້​ສົ່ງ​ ພາຍ​ໃນ 15 ວັນ ​ນັບ​ຈາກ​ວັນ​ທີຍື່ນ​ເອກະສານ​ການ​ຂົນ​ສົ່ງ​ນໍາ​ດ່ານ​ພາສີ (ຕົວຢ່າງ: ​ໃບ​ລາຍການ​ສິນຄ້າ) ທ່ີ່​ແຈ້ງ​ບອກ​ໃຫ້​ດ່ານ​ພາສີ​ຮູ້​ວັນ​ທີ​ທີ່​ສິນຄ້າ​​ເດີນທາງມາ​ຮອດ

​ໃນ​ປະຈຸ​ບັນ, ມີພຽງຢູ່​ດ່ານ​ຊາຍ​ແດນທ່າ​ນາ​ແລ້ງ​ເທົ່າ​ນັ້ນ, ຊຶ່ງທຸກ​ໃບ​ແຈ້ງ​ພາສີ​ຕ້ອງ​ໄດ້​ສົ່ງຜ່ານ​ທາງ​ລະບົບ​ຄຸ້ມ​ຄອງ​ການ​​ແຈ້ງ​ພາສີ​ແບບ​ອັດຕະ​ໂນມັດ Asycuda. ​ໃນ​ອະນາຄົດ, ລະບົບ Asycuda ຈະ​ຂະຫຍາຍ​ການ​ນໍາ​ໃຊ້​ໄປທຸກ​ດ່ານ​ຊາຍ​ແດນ​​ໃນ​ທົ່ວ​ປະ​ເທດ. ຢູ່​ດ່ານ​ຊາຍ​ແດນ​ເຫຼົ່ານີ້ ​ແມ່ນຍັງ​ນໍາ​ໃຊ້ລະບົບການແຈ້ງພາສີແບບປົກກະຕິ.

ລັດຖະບານເປັນຜູ້ກໍານົດຄ່າປັບໃໝຕໍ່ຜູ້ທີ່ບໍ່ມາຊໍາລະຄ່າພາສີ ແລະ ພັນທະອື່ນໆ ຫຼື ມາຊໍາລະຊັກຊ້າ (ກົດໝາຍ​ວ່າ​ດ້ວຍ​ພາສີ, ມາດຕາ 24). ຂ້າງເທິງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s