ໃນ​ໄລ­ຍະ​ທີ່​ບ້ານ​ເມືອງ​ກຳ­ລັງ​ສ້າງ­ສາ​ພັດ­ທະ­ນາ​ຢູ່​ໃນ​ຍຸກ​ປັດ­ຈຸ­ບັນ​ ນີ້ ຄວາມ​ຮຽກ­ຮ້ອງ​ຕ້ອງ­ການ​ວັດ­ຖຸ​ສິ່ງ​ຂອງ​ຫຼາຍ​ຢ່າງ​ເພື່ອ​ໃຊ້​ເຂົາ​ໃນ​ການ​ ກໍ່­ສ້າງ ແລະ ປະ­ດັບ​ປະ­ດາ​ຕົບ­ແຕ່ງ​ມີ​ຫຼາຍ ເບ້ຍ​ຕົ້ນ­ໄມ້ ບໍ່​ວ່າ​ເປັນ­ຕົ້ນ​ໄມ້​ອຸດ­ສາ­ຫະ­ກຳ ຕົ້ນ­ໄມ້​ກິນ​ໝາກ ຕົ້ນ­ໄມ້​ປະ­ດັບ​ປະ­ດາ​ຕົບ­ແຕ່ງ ກໍ​ເປັນ​ສິ່ງ​ໜຶ່ງ​ທີ່​ມີ​ຄວາມ​ຮຽກ­ຮ້ອງ​ຕ້ອງ­ການ​ສູງ ຄ້າຍໆ​ກັບ​ສິນ­ຄ້າ​ອື່ນໆ​ທີ່​ຮັບ​ໃຊ້​ໃຫ້​ແກ່​ການ​ພັດ­ທະ­ນາ ຊີ­ວິດ​ການ​ເປັນ​ຢູ່​ຂອງ​ຄົນ​ເຮົາ​ໃນ​ໄລ­ຍະ​ປັດ­ຈຸ­ບັນ.

ການ​ສ້າງ​ສວນ ຍ່ອມ​ມີ​ຄວາມ​ຕ້ອງ­ການ​ຕົ້ນ­ໄມ້​ອຸດ­ສາ­ຫະ­ກຳ ແລະ ຕົ້ນ­ໄມ້​ໃຫ້​ໝາກ ການ​ສ້າງ​ອາ­ຄານ ສຳ­ນັກ­ງານ ອົງ­ການ ສະ­ໜາມ​ກັອບ ໂຮງ­ແຮມ ເຮືອນ​ພັກ ອາ­ຄານ ຮ້ານ​ຄ້າ​ທັນ​ສະ­ໄໝ ເຮືອນ​ຊານ​ລານ​ແປ້ນ​ຕ່າງໆ ກໍ​ຍ່ອມ​ມີ​ຄວາມ​ຮຽກ­ຮ້ອງ​ຕ້ອງ­ການ ການ​ປະ­ດັບ​ປະ­ດາ​ຕົບ­ແຕ່ງ​ເດີ່ນ​ເຮືອນ ເດີ່ນ​ອາ­ຄານ ສະ­ຖານ­ທີ່​ໃຫ້​ມີ​ລະ­ບົບ​ນິ­ເວດ​ສວຍ​ງາມ ກໍ​ມີ​ທັງ​ຕ້ອງ­ການ​ຫຍ້າ​ຊັ້ນ​ດີ ຕົ້ນ­ໄມ້​ປະ­ດັບ​ແນວ​ດີ ດອກ​ໄມ້​ປະ­ດັບ​ທີ່​ໃຫ້​ດອກ​ດົກ​ຕະ­ຫຼອດ​ລະ­ດູ ຕົ້ນ­ໄມ້​ກິນ​ໝາກ ແລະ ສ່ວນ​ໃຫຍ່​ຈະ​ເປັນ­ຕົ້ນ​ໄມ້ “ມຸງ­ຄຸນ” ເຊິ່ງ​ມີ​ທັງ​ຕົ້ນ­ໄມ້​ພື້ນ­ເມືອງ ແລະ ຕົ້ນ­ໄມ້​ທີ່​ຍຸກ​ປັດ­ຈຸ­ບັນ ພວມ​ມີ​ການ​ນິ­ຍົມ​ຊົມ​ຊອບ ຍ້ອນ​ແນວ​ນັ້ນ ຈຶ່ງ​ເກີດ​ມີ​ທຸ­ລະ​ກິດ​ຄ້າ­ຂາຍ​ເບ້ຍ​ໄມ້​ຫຼາຍ​ຂຶ້ນ ຕາມ​ຖະ­ໜົນ​ສາຍ​ຕ່າງໆ ຕາມ​ຕົວ​ເມືອງ​ໃຫຍ່​ຂອງ​ບ້ານ​ເຮົາ.

ເນື່ອງ​ຈາກ​ຄວາມ​ຕ້ອງ­ການ​ດັ່ງ­ກ່າວ​ມີ​ຈຳ­ນວນ​ຫຼວງ­ຫຼາຍ ເຮັດ​ໃຫ້​ທຸ­ລະ​ກິດ​ດ້ານ​ນີ້ ກາຍ­ເປັນ​ທຸ­ລະ​ກິດ​ນ້ຳ​ນິ້ງ​ໄຫຼ​ເລິກ ສາ­ມາດ​ເຮັດ​ໃຫ້​ຜູ້​ປະ­ກອບ​ການ​ມືນ​ຕາ​ອ້າ​ປາກ​ໄດ້ ແຕ່​ໃຜ​ຈະ​ຮູ້​ໄດ້​ວ່າ ວົງ​ການ​ຜະ­ລິດ​ເບ້ຍ​ໄມ້​ຂອງ​ລາວ​ເຮົາ ສະ­ໜອງ​ຄວາມ​ຮຽກ­ຮ້ອງ​ຕ້ອງ­ການ​ເບ້ຍ​ໄມ້​ປະ­ເພດ​ຕ່າງໆ​ແກ່​ຕະ­ຫຼາດ​ພຽງ­ພໍ ຫຼື ບໍ່​ແຕ່​ໃນ​ຕົວ​ຈິງ​ແລ້ວ ເລື່ອງ​ນີ້​ຄົງ​ບໍ່​ມີ​ຜູ້​ຄິດ​ໄປ​ໄກ ເນື່ອງ​ຈາກ​ປະ­ເທດ​ບ້ານ​ໃກ້​ເຮືອນ​ຄຽງ​ເຮົາ​ນີ້ ຮູ້​ຂໍ້​ມູນ​ຊ່ອງ​ຫວ່າງ​ການ​ຕະ­ຫຼາດ​ໄດ້​ດີ ຈຶ່ງ​ເປັນ​ຜູ້​ຜະ­ລິດ​ຂາຍ​ສົ່ງ​ມາ​ໃຫ້ ເລີຍ​ກາຍ­ເປັນ​ຜູ້​ຈຳ­ໜ່າຍ​ໃຫ້​ເຂົາ​ໃນ​ຕົວ ທັງໆ​ທີ່​ໃນ​ບ້ານ​ເຮົາ​ມີ​ແນວ​ພັນ​ບໍ່​ອຶດ​ບໍ່​ຢາກ​ໃນ​ທຳ​ມະ​ຊາດ ໃນ​ປ່າ­ດົງ​ວົງ­ກົດ​ທົ່ວ​ປະ­ເທດ ດັ່ງ­ນັ້ນ ຜູ້​ໄດ້­ຜົນ​ປະ­ໂຫຍດ​ທີ່­ແທ້​ຈິງ ຍັງ​ຄົງ​ເປັນ​ແຫຼ່ງ​ທີ່​ມາ​ຂອງ​ສິນ­ຄ້າ​ຢູ່​ຕ່າງ­ປະ­ເທດ​ຄື­ເກົ່າ.

ຕາມ​ການ​ບອກ­ເລົ່າ​ຂອງ​ຜູ້​ປະ­ກອບ​ການ​ຂາຍ​ເບ້ຍ​ໄມ້​ລາຍ​ໜຶ່ງ ໃນ​ຍ່ານ​ໂພນ​ຕ້ອງ​ສະ­ຫວາດ ທີ່​ບໍ່​ປະ­ສົງ​ອອກ​ນາມ​ໃຫ້​ຮູ້​ວ່າ: ໄລ­ຍະ 7-8ປີ­ຜ່ານ­ມາ ການ​ຄ້າ­ຂາຍ​ເບ້ຍ​ໄມ້​ໄດ້​ມີ​ຄວາມ​ເຕີບ​ໃຫຍ່​ຂະ­ຫຍາຍ­ຕົວ​ເລື້ອຍ​ມາ​ພໍ​ ສົມ­ຄວນ ຍ້ອນ​ປະ­ຊາ­ຊົນ​ມີ​ຄວາມ​ຕື່ນ​ຕົວ​ຕໍ່​ການ​ເຮັດ​ໄຮ່-ສວນ ແລະ ການ​ຮູ້­ຈັກ​ປະ­ດັບ​ປະ­ດາ​ອາ­ຄານ​ບ້ານ​ເຮືອນ ສະ­ຖານ­ທີ່​ລັດ​ຖະ​ການ ສະ­ຖານ­ທີ່​ສາ­ທາ­ລະ­ນະ​ຫຼາຍ​ຂຶ້ນ ຕົ້ນ­ໄມ້​ທີ່​ມີ​ຄວາມ​ຕ້ອງ­ການ ມີ​ທັງ​ຕົ້ນ­ໄມ້​ອຸດ­ສາ­ຫະ­ກຳ ເຊິ່ງ​ເມື່ອ​ກ່ອນ​ແມ່ນ​ຕົ້ນ­ໄມ້​ເກດ­ສະ­ໜາ ຕໍ່​ມາ​ແມ່ນ​ຢາງ­ພາ­ລາ ຕົ້ນ­ໄມ້​ໃຫ້​ໝາກ​ປະ­ເພດ​ຕ່າງໆ ສ່ວນ​ຕົ້ນ­ໄມ້​ປະ­ດັບ​ກໍ​ປະ­ເພດ​ດອກ​ຄູນ ກາ­ກະ­ເລົາ ຈຳ­ປາ ດອກ​ໄມ້​ປະ­ດັບ​ປະ­ເພດ​ໃສ່​ໂຖ​ກໍ​ມີ​ຫຼາຍ ແລະ ມີ​ຊື່​ແຕກ​ຕ່າງ​ກັນ​ຕັ້ງ​ເປັນ 20-30ແນວ ລາ­ຄາ​ກໍ​ອ່າວ​ເໜັງ​ຕີງ ບາງ​ຄັ້ງ​ຕົ້ນ­ໄມ້​ໃຫຍ່​ປູກ​ແລ້ວ​ໃຫ້​ດອກ ໃຫ້​ໃບ-ໃຫ້​ດອກ​ພ້ອມ ກໍ​ໄດ້​ນຳ​ເຂົ້າ​ຈາກ​ຕ່າງ­ປະ­ເທດ​ເປັນ​ສ່ວນ​ໃຫຍ່ ເຊັ່ນ: ຕົ້ນ​ປາມ ຕົ້ນ​ພ້າວ​ປະ­ດັບ ເນື່ອງ​ຈາກ​ຜູ້​ຜະ­ລິດ​ສົ່ງ​ພາຍ​ໃນ​ສ່ວນ​ຫຼາຍ​ມີ​ແຕ່​ເບ້ຍ​ແນວ​ເດີມໆ ບາງ​ກໍ­ລະ­ນີ​ຄວາມ​ຕ້ອງ­ການ​ໄວ ຕ້ອງ­ການ​ຈຳ​ນວ​ຫຼາຍ ແລະ ມີ​ຫຼາຍ​ຊະ­ນິດ ກໍ​ເກີດ​ມີ​ຄວາມ​ຈຳ­ເປັນ​ຕ້ອງ​ສັ່ງ​ຕ່າງ­ປະ­ເທດ ເຊິ່ງ​ສິ່ງ​ນີ້​ຜູ້​ຂາຍ​ກໍ​ຄິດ ແຕ່​ຈະ​ເຮັດ​ແນວ­ໃດ​ດີ ເພາະ​ການ​ຜະ­ລິດ​ພາຍ​ໃນ​ບໍ່​ຕອບ​ສະ­ໜອງ ບໍ່​ພຽງ​ແຕ່​ເບ້ຍ​ຕົ້ນ­ໄມ້ ແມ່ນ​ກະ​ທັ້ງ​ວ່າ ດອກ​ໄມ້​ສົດ ກໍ​ມີ​ບັນ­ຫາ​ເຊັ່ນ​ກັນ.

ເມື່ອ​ເປັນ​ແນວ​ນີ້ ຜູ້​ຜະ­ລິດ​ສົ່ງ​ຕະ­ຫຼາດ​ທັງ­ຫຼາຍ​ໜ້າ​ຈະ​ຕື່ນ​ຕົວ​ຄົ້ນ­ຄວ້າ​ບັນ­ຫາ​ ດັ່ງ­ກ່າວ ເພາະ­ວ່າ​ແຫຼ່ງ​ແນວ​ພັນ​ເຮົາ​ມີ ຈະ​ປ່ອຍ​ໃຫ້​ໂອ­ກາດ​ຫຼຸດ​ລອຍ​ໄປ​ເຮັດ​ຫຍັງ ເງິນ­ຕາ​ຈຳ­ນວນ​ບໍ່​ໜ້ອຍ​ເລີຍ ທີ່​ອອກ​ໄປ​ຕ່າງ­ປະ­ເທດ ຍ້ອນ​ເຮົາ​ຂາດ​ຄວາມ​ຕັ້ງ­ໜ້າ​ຈິງ​ຈັງ ສຳ­ຄັນ​ເບ້ຍ​ດອກ​ເຂັມ ດອກ​ນັ້ນ​ດອກ​ນີ້ ກໍ​ນຳ​ເຂົ້າ ນີ້​ເປັນ​ເລື່ອງ​ບໍ່​ສົມ­ຄວນ ບໍ່​ແມ່ນ​ແນວ­ໃດ​ກໍ​ຖື​ເອົາ​ແຕ່​ຄວາມ​ມັກ­ງ່າຍ ແຕ່​ຄວນ​ເອົາ​ຄຳ​ວ່າ ລາວ​ເຮັດ​ໃຫ້​ຄົນ​ທົ່ວ​ໄປ​ໃຊ້ ລາວ​ໄດ້ ລາວ​ຮັ່ງ­ມີ ຫັ້ນ​ນ່າ !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s