ຄໍ​ລຳ​ເຮົາ​ຕີ​ພິມ​ເລື່ອງ​ການ​ເຊື່ອ​ຖື​ແບບ​ງົມ­ງວາຍ ເພື່ອ​ເຕືອນ​ສະ­ຕິ​ສັງ­ຄົມ ເລີຍ​ມີ​ເພື່ອນ​ຜູ້​ອ່ານ​ສ່ອງ​ແສງ​ມາ​ຕື່ມ​ວ່າ: ຂະ​ບວນ​ການ​ຄື​ດັ່ງ​ພວກ​ເຮົາ​ລົງ​ພິມ​ນັ້ນ ມີ​ຫຼາຍ​ແທ້ໆ ເພິ່ນ ​ເອງ​ກໍ​ຕົກ­ໃຈ ໂດຍ​ສະ­ເພາະ​ໃນ​ຂົງ­ເຂດ​ປິ່ນ­ປົວ​ພະ­ຍາດ ມີ​ຄຼີ​ນິກ ໂຄ­ສະ­ນາ​ເລີຍ​ເຖືອດ​ປານ​ໝໍ​ຢາ​ເທວະ​ດາ ມີ​ຢາ­ພື້ນ­ເມືອງ​ທີ່​ອ້າງ​ສັບ­ພະ​ຄຸນ​ເລີດ​ເລີ ຜ່ານ​ວິ­ທະ­ຍຸ​ຊຸມ​ຊົນ… ມີ​ກຸ່ມ​ຄົນ​ເລາະ​ຕາມ​ຕະ­ຫຼາດ… ຊົມ​ຊົນ​ຂາຍ​ຢາ​ຫຼາຍ​ປະ­ເພດ ແລະ ມີ​ຮອດ​ຄີມ​ບຳ­ລຸງ​ຜິວ​ພັນ ແລະ ອື່ນໆ​ສາ­ລະ­ພັດ​ຢ່າງ.

ເພິ່ນ​ຮຽກ­ຮ້ອງ​ໃຫ້​ລົງ​ພິມ​ຕັກ­ເຕືອນ​ຕື່ມ ເພາະ​ເຫັນ​ວ່າ​ໃນ​ກົນ​ໄກ​ຕະ­ຫຼາດ​ນີ້​ມັນ​ມີ ແມ­ງວັນ​ຂຽວ ຫຼາຍ​ແທ້ໆ ສະ­ນັ້ນ ທຸກ​ຄົນ​ໃນ​ສັງ­ຄົມ​ຕ້ອງ​ໄດ້​ເປັນ​ເຈົ້າ​ການ​ເນີ !.

ເລື່ອງ​ແບບ​ນີ້ ຈະ​ອີງ­ໃສ່​ການ­ຈັດ­ຕັ້ງ​ເພິ່ນ​ກໍ​ບໍ່​ຫຼ້ອນ​ແທ້​ໃດ໋ ? ເພາະ​ບໍ່​ສາ­ມາດ​ຮູ້​ໄດ້​ໝົດ​ທຸກ​ຄົນ ແລະ ບໍ່​ສາ­ມາດ​ມັດ​ຕີນ​ມັດ​ມື​ຫຸບ​ປາກ​ບໍ່​ໃຫ້​ເຂົາ​ເຄື່ອນ​ໄຫວ​ນໍ ? ພວກ​ຊຸມ​ນີ້​ເຂົາ​ຫາ​ກິນ​ນຳ​ຄົນ​ມັກ­ງ່າຍ… ເຊື່ອ​ໄວ ສະ­ນັ້ນ ຈຶ່ງ​ມີ​ຄົນ​ຕົກ​ເປັນ​ທາດ ຕົກ​ເປັນ​ເຫຍື່ອ​ໃຫ້​ແກ່​ພວກ​ເຂົາ.

ແນວ​ລາວ ຄິດ​ວ່າ​ຕົວ​ເຮົາ​ເອງ​ຕ້ອງ​ເປັນ​ຫຼັກ ດັ່ງ​ເຖົ້າ​ແກ່​ບູ­ຮານ​ສັ່ງ­ສອນ​ໄວ້​ວ່າ: ຕົນ​ເປັນ​ທີ່​ເພິ່ງ​ຂອງ​ຕົນ ເຈັບ­ເປັນ ​ເອັນ​ອຸ່ນ​ກໍ​ໄປ​ໂຮງ­ໝໍ​ກວດ­ເບິ່ງ ແລະ ຟັງ​ການ​ປິ່ນ­ປົວ ແລະ ບົ່ງ​ພະ­ຍາດ​ຈາກ​ທ່ານ­ໝໍ​ເປັນ​ທີ່​ເພິ່ງ…ສ່ວນ​ການ​ປິ່ນ­ປົວ​ຢາ­ພື້ນ­ເມືອງ ​ກໍ​ບໍ່​ຫ້າມ ແຕ່​ຄວນ​ສຶກ​ສາ​ຢ່າງ​ລະ­ອຽດ​ຖີ່​ຖ້ວນ​ວ່າ ມັນ​ດີ​ແທ້​ບໍ ? ໂດຍ​ສະ­ເພາະ​ແມ່ນ ຢາ­ພື້ນ­ເມືອງ​ທີ່​ຜະ­ລິດ​ສຳ­ເລັດ​ຮູບ ນຳ​ເຂົ້າ​ຈາກ​ປະ­ເທດ​ໃກ້​ຄຽງ.

ຫຼາຍ​ປີ​ກ່ອນ​ມີ​ຂ່າວ​ວ່າ ຍ້ອນ​ຢາກ​ຫຼຸດ​ຄວາມ​ຕຸ້ຍ… ຢາກ​ມີ​ຮຸ່ນ​ງາມ ຜູ້­ຍິງ​ໄວ​ກາງ­ຄົນ​ຜູ້​ໜຶ່ງ ຈຶ່ງ​ຕັດ­ສິນ​ໃຈ​ກິນ​ຢາ­ພື້ນ­ເມືອງ​ຈາກ​ປະ­ເທດ​ໃກ້​ຄຽງ ສຸດ​ທ້າຍ​ມີ​ຜົນ​ຕໍ່​ລະ­ບົບ​ໝາກ​ໄຂ່­ຫຼັງ ຈົນ​ວ່າ​ໄດ້​ຟອກ​ໄຂ່­ຫຼັງ ແລະ ເສຍ​ຊີ­ວິດ​ໃນ​ຫຼາຍ​ປີ​ຕໍ່​ມາ… ສ່ວນ​ເລື່ອງ​ຄວາມ​ງາມ​ຈາກ​ຢາ­ພື້ນ­ເມືອງ​ກໍ​ມີ​ຫຼາຍ​ຄົນ ແທນ​ທີ່​ໜ້າ​ຈະ​ຂາວ​ງາມ ພັດ​ແຫຼ້​ເຂົ້າ ເປັນ​ຂຸມ ເປັນ​ໂນນ ຈົນ​ໄດ້​ເພິ່ງ​ສັນ­ຍາ​ກຳ ເສຍ​ເງິນ​ເປັນ​ຫຼາຍ​ສິບ​ລ້ານ.

ເລື່ອງ​ທີ່​ຍົກ​ຂຶ້ນ​ມາ​ນີ້ ຮຽກ­ຮ້ອງ​ໃຫ້​ມີ​ການ​ເຕືອນ​ສະ­ຕິ​ກັນ ແລະ ສະ­ກັດ​ກັ້ນ​ການ​ໂຄ­ສະ­ນາ​ທີ່​ເລີຍ​ເຖືອດ​ດັ່ງ­ກ່າວ ດ້ວຍ​ຮູບ​ການ​ບໍ່​ສະ­ໜັບ­ສະ­ໜູນ… ບໍ່​ໃຊ້​ການ​ບໍ­ລິ­ການ​ຈາກ​ເຂົາ ບໍ່​ຊື້​ຜະ­ລິດ​ຕະ​ພັນ​ຈາກ​ເຂົາ…ຂະ​ບວນ​ການ​ອັນ​ນີ້ ຕ້ອງ​ໄດ້​ເວົ້າ​ຕໍ່­ປາກ​ກັນ ແລະ ເຮັດ​ຢ່າງ​ກ້ວ​າງ​ຂວາງ ໂດຍ​ສະ­ເພາະ​ແມ່ນ​ຢູ່​ຂັ້ນ​ບ້ານ ສະ­ຫະ­ພັນ​ແມ່­ຍິງ​ຕ້ອງ​ເປັນ​ເຈົ້າ​ການ ຊາວ​ໜຸ່ມ… ກອງ​ຫຼອນ ແລະ ນາຍ­ບ້ານ ຕ້ອງ​ປະ­ສານ​ສົມ­ທົບ​ກັນ ມ້າງ​ຂະ​ບວນ​ການ​ອັນ​ນີ້​ໃຫ້​ດັບ​ມອດ​ໄວ​ທີ່​ສຸດ​ຍິ່ງ​ດີ.

ເບື້ອງ​ມະ­ຫາ​ພາກ​ທີ່​ຄຸ້ມ​ຄອງ​ຄຼີ​ນິກ ຄຸ້ມ​ຄອງ​ການ​ໂຄ­ສະ­ນາ ກໍ​ຄວນ​ໄດ້​ລົງ​ກວດ­ກາ… ຕັກ­ເຕືອນ ແລະ ມັນ​ໄປ​ເຖິງ​ການ​ສັ່ງ​ຢຸດ​ກິດ­ຈະ­ການ​ຫາກ​ເຫັນ​ວ່າ​ເກີນ​ເລີຍ !.

ຂໍ​ຮຽກ­ຮ້ອງ​ໃຫ້​ໝົດ​ທຸກ​ຄົນ ມີ​ສະ­ຕິ​ລະ­ວັງ​ຕົວ​ຕໍ່ ແມ­ງວັນ​ຂຽວ ທັງ­ຫຼາຍ ທີ່​ອອກ​ມາ​ຊອກ​ຫາ​ເຫຍື່ອ ເດັດ­ຂາດ​ບໍ່​ຕົກ​ເປັນ​ທາດ ເປັນ​ເຫຍື່ອ… ບໍ່​ເປັນ​ຄົນ​ມັກ­ງ່າຍ… ເຊື່ອ​ໄວ ! ບໍ່​ຊັ້ນ​ຈະ​ເສຍ​ໃຈ​ຕາມ​ພາຍ­ຫຼັງ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s