ນັກທ່ອງທ່ຽວທີ່ເຂົ້າ-ອອກປະເທດລາວ

​​​ຖ້າ​ທ່ານ​ເປັນ​ນັກ​ທ່ອງ​ທ່ຽວ ຫຼື ​ເປັນ​ຜູ້​ໂດຍສານ ທີ່​ເຂົ້າມາ​ທາງ​ເດີ່ນ​ບິນ​ສາກົນ​ໃດ​ໜຶ່ງ​ຂອງ​ປະ​ເທດ​ລາວ ຫຼື ຂ້າມ​ຊາຍ​ແດນ, ທ່ານ​ອາດ​ນໍາ​ເອົາ​ສິ່ງ​ຂອງ​ສ່ວນ​ຕົວ​​ໃດ​ໜຶ່ງ ​ເຂົ້າມາ​ປະ​ເທດ​ລາວ ໂດຍ​ບໍ່​ເກີນ​ຈໍານວນ​ທີ່​ອະນຸຍາດ​ທີ່ ກໍານົດໄວ້ດັ່ງ​ລຸ່ມ​ນີ້:

​ເຫຼົ້າທຸກ​ປະ​ເພດ

ບໍ່​ເກີນ 2 ລິດ

​ເບຍທຸກ​ປະ​ເພດ

ບໍ່​ເກີນ 5 ລິດ

ວາຍທຸກ​ປະ​ເພດ

ບໍ່​ເກີນ 3 ລິດ

ຢາສູບທຸກ​ປະ​ເພດ

ບໍ່​ເກີນ 1 ຕຸດ (200 ກອກ)

ຊິ​ກາທຸກ​ປະ​ເພດ

ບໍ່​ເກີນ 50 ຊິກາ

​ໃບ​ຢາ​ສູບ

ບໍ່​ເກີນ 250 ກຼາມ

ນ້ໍາຫອມ ຫຼື ນ້ໍາມັນຫອມ

ບໍ່​ເກີນໜຶ່ງລາຍການ

ວັດຖຸມີຄ່າ

[ຕາມການກໍານົດຂອງທະນາຄານແຫ່ງ ສປປ ລາວ]

ສະກຸນເງິນຕ່າງປະເທດ

[ຕາມການກໍານົດຂອງທະນາຄານແຫ່ງ ສປປ ລາວ]

ນອກຈາກນັ້ນ ທ່ານຕ້ອງປະຕິບັດຕາມບັນດາລະບຽບການ ແລະ ຂໍ້ກໍານົດທຸກໆຢ່າງ ກ່ຽວກັບການນໍາເຂົ້າສະ ກຸນເງິນຕ່າງປະເທດ ຫຼື ສະກຸນເງິນລາວ, ວັດຖຸມີຄ່າ, ວັດຖຸບູຮານ ​ແລະ ວັດຖຸທີ່​ກ່ຽວ​ກັບວັດທະນະທໍາ ​ແລະ ສິນຄ້າ​ທີ່​ມີ​ການ​ຈໍາກັດ ​ແລະ ຫວງ​ຫ້າມ (​ເກືອດ​ຫ້າມ).

ທ່ານ​ບໍ່​ຈໍາ​ເປັນ​ຕ້ອງ​ຕື່ມ​ແບບ​ຟອມ​ແຈ້ງ​ສິນຄ້າ ​ແລະ ທ່ານ​ສາມາດ​ເລືອກ​ທີ່​ຈະ​ຍ່າງ​ຜ່ານ​ປ່ອງ​ສີຟ້າ ‘ບໍ່​ມີ​ຫຍັງ​ແຈ້ງ’. ຖ້າ​ທ່ານ​ມີ​ສິນຄ້າ​ທີ່​ເກີນ​ຂໍ້​ກໍານົດ​ຂ້າງ​ເທິງ​ນັ້ນ ຫຼື ສິນຄ້າທີ່​ມີ​ການ​ຈໍາກັດ ​ແລະ ເກືອດຫ້າມ, ທ່ານ​ຄວນ​ຍ່າງ​ຜ່ານ ປ່ອງ​ສີ​ແດງ ‘​ມີ​​ເຄື່ອງແຈ້ງ’ ​ແລະ ​ແຈ້ງ​ສິນຄ້າ​ໃນ​ເວລາ​ທີ່​ພະນັກງານ​ພາສີ​ຖາມ.

ອອກປະ​ເທດ​ລາວ

ຖ້າ​ທ່ານ​ເປັນ​ນັກ​ທ່ອງ​ທ່ຽວ ຫຼື ​ເປັນ​ຜູ້​ໂດຍສານ ທີ່​ອອກ​ຈາກ​ປະ​ເທດ​ລາວ​ທາງ​ເດີ່ນ​ບິນ​ສາກົນ​ໃດ​ໜຶ່ງ​ຂອງ​ປະ​ເທດ​ລາວ ຫຼື ຂ້າມ​ຊາຍ​ແດນ, ທ່ານ​ບໍ່​ຈໍາ​ເປັນ​ຕ້ອງ​ຕື່ມ​ແບບ​ຟອມພາສີ​ໃດ​ໜຶ່ງ ນອກຈາກ​​ວ່າ ທ່ານ​ມີ​ຈຸດປະສົງ​ຈະ​ນໍາ​ສິນຄ້າ​ອອກ ຊຶ່ງ​ເປັນ​ສິນຄ້າ​ທີ່​ມີ​ການ​ຈໍາກັດ ຫຼື ເກືອດຫ້າມ. ໃນ​ກໍລະນີ​ນີ້ ທ່ານ​ຕ້ອງ​ປະຕິບັດ​ຕາມລະບຽບ​ຫຼັກການ​ທົ່ວ​ໄປທີ່​ອອກ​ໂດຍ ​ກະຊວງ​ອຸດສາຫະກໍາ ​ແລະ ການ​ຄ້າ ຊຶ່ງ​ຂຶ້ນກັບ​ແຕ່ລະປະ​ເພດ​ສິນຄ້າ. ​ໃຫ້​ເບິ່ງ ແຈ້ງ​ການ​ເລກທີ 0973/ອຄ.ກຂອ, ​ເອກະສານ​ຕິ​ຂັດ 1 ​ເພື່ອ​ເບິ່ງ​ລາຍການ​ສິນຄ້າ​ເກືອດ​ຫ້າມ ​ແລະ​ ​ໃຫ້​ເບິ່ງ ແຈ້ງ​ການ​ເລກທີ 0076/ອຄ.ກຂອ ເພື່ອ​ເບິ່ງ​ລາຍການ​ສິນຄ້າ ທີ່​ຕ້ອງ​ໄດ້​ຮັບ​ໃບ​ອະ​ນຸຍາດ​ສົ່ງ​ອອກ. ຖ້າ​ທ່ານ​ມີ​ຂໍ້​ສົງ​ໃສໃຫ້​ ລາຍ​ງານ​ຕໍ່​ກັບ​ເຈົ້າໜ້າ​ທີ່​ພາສີ ທີ່ຢູ່​ໃນ​ຊາຍ​ແດນ​ທີ່​ກ່ຽວຂ້ອງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s