ຄະ­ນະ​ກຳ­ມະ­ການ​ແຫ່ງ​ຊາດ ເພື່ອ​ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ ແລະ ເຂດ​ເສດ­ຖະ­ກິດ​ສະ­ເພາະ (ຄຂພສ) ສືບ­ຕໍ່​ທາບ​ທາມ​ຮ່າງ​ກົດ­ໝາຍ​ວ່າ​ດ້ວຍ​ເຂດ​ເສດ­ຖະ­ກິດ​ພິ­ເສດ ຊຶ່ງ​ໃນ​ວັນ​ທີ 1 ຕຸ­ລາ 2012 ຜ່ານ​ມາ ໄດ້​ຈັດ​ກອງ​ປະ­ຊຸມ​ທາບ​ທາມ​ຮ່າງ​ກົດ­ໝາຍ​ສະ­ບັບ​ດັ່ງ­ກ່າວ​ທີ່​ແຂວງ​ອຸ­ດົມ ​ໄຊ.

ກົດ­ໝາຍ​ວ່າ​ດ້ວຍ​ເຂດ​ເສດ­ຖະ­ກິດ​ພິ­ເສດ​ສະ­ບັບ​ນີ້ ໄດ້​ກຳ­ນົດ​ຫຼັກ­ການ​ລະ­ບຽບ​ການ​ມາດ​ຕະ­ການ​ໃນ​ການ​ສ້າງ­ຕັ້ງ ແລະ ເຄື່ອນ​ໄຫວ​ເຂດ​ເສດ­ຖະ­ກິດ​ພິ­ເສດ ແລະ ເຂດ​ເສດ­ຖະ­ກິດ​ສະ­ເພາະ (ຂພສ) ເພື່ອ​ດຶງ​ດູດ ແລະ ສົ່ງ­ເສີມ​ການ​ລົງ­ທຶນ​ເຂົ້າ​ໃນ​ການ​ພັດ­ທະ­ນາ ຂພສ ຮັບ­ປະ­ກັນ​ການ­ຈັດ­ຕັ້ງ​ປະ­ຕິ­ບັດ​ແຜນ​ຍຸດ​ທະ​ສາດ​ການ​ພັດ­ທະ­ນາ ຂພສ ໃນ​ຂອບ​ເຂດ​ທົ່ວ​ປະ­ເທດ​ໃນ​ແຕ່​ລະ​ໄລ­ຍະ​ໃຫ້​ປະ­ກົດ​ຜົນ​ເປັນ​ຈິງ ແນ­ໃສ່​ສ້າງ​ຄວາມ​ເຂັ້ມ­ແຂງ​ທາງ​ດ້ານ​ເສດ­ຖະ­ກິດ ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ​ຢ່າງ​ຕໍ່​ ເນື່ອງ ຍືນ​ຍົງ ແລະ ປົກ​ປັກ​ຮັກ­ສາ​ສິ່ງ­ແວ­ດລ້ອມ.

ທ່ານ​ນາງ ບຸນ​ເພັງ ມູນ​ໂພ​ໄຊ ລັດ­ຖະ­ມົນ­ຕີ​ປະ­ຈຳ​ຫ້ອງ​ວ່າ­ການ​ລັດ­ຖະ­ບານ ຮອງ​ປະ­ທານ ຜູ້​ປະ­ຈຳ­ການ ຄຂພສ ໄດ້​ກ່າວ​ວ່າ: ການ​ສ້າງ ຂພສ ແມ່ນ​ວິ­ທີ​ດຶງ​ດູດ​ການ​ລົງ­ທຶນ​ທີ່​ດີ​ອີກ​ວິ­ທີ​ໜຶ່ງ ໂດຍ​ສະ­ເພາະ​ຢູ່​ໃນ​ປະ­ເທດ​ກຳ­ລັງ​ພັດ­ທະ­ນາ​ທີ່​ມີ​ງົບ­ປະ­ມານ​ຈຳ­ກັດ ໃນ​ການ​ພັດ­ທະ­ນາ​ພື້ນ­ຖານ​ໂຄງ​ລ່າງ​ການ​ລົງ­ທຶນ​ຕ້ອງ​ຜ່ານ​ຫຼາຍ​ຂັ້ນ ຫຼາຍ​ຂອດ ໃຊ້​ເວ­ລາ​ດົນ​ໃນ​ການ​ພິ­ຈາ­ລະ­ນາ ຊຶ່ງ​ໃນ​ບົດ​ລາຍ​ງານ​ຂອງ​ທະ­ນາ­ຄານ​ໂລກ ປີ 2010 ສະ­ແດງ​ໃຫ້​ເຫັນ​ວ່າ ການ​ພັດ­ທະ­ນາ ຂພສ ມີ​ການ​ຂະ­ຫຍາຍ­ຕົວ ໃນ​ໄລ­ຍະ 20 ປິ​ຜ່ານ​ມາ ໃນ​ຊຸມ​ປີ 1986 ຂພສ ມີ​ພຽງ​ແຕ່ 176 ເຂດ ໃນ 47 ປະ­ເທດ ແຕ່​ມາ​ຮອດ​ປີ 2006 ຂພສ ໄດ້​ເພີ່ມ​ເປັນ 3.500 ເຂດ​ໃນ 130 ປະ­ເທດ​ຢູ່​ທົ່ວ​ໂລກ.

ອີງ­ໃສ່​ບົດ­ຮຽນ​ຂອງ​ບັນ­ດາ​ປະ­ເທດ​ອາ​ຊຽນ ໄດ້​ສະ­ແດງ​ໃຫ້​ພວກ​ເຮົາ​ເຫັນ​ວ່າ ການ​ພັດ­ທະ­ນາ​ປະ­ເທດ​ຊາດ​ທີ່​ໝັ້ນ­ຄົງ​ເຂັ້ມ­ແຂງ ໃນ​ປັດ­ຈຸ­ບັນ​ແມ່ນ​ການ​ພັດ­ທະ­ນາ​ທີ່​ຫັນ​ເອົາ​ແນວ­ທາງ​ນະ­ໂຍ­ບາຍ​ຂອງ​ພັກ​ ໃຫ້​ກາຍ­ເປັນ​ລະ­ບຽບ​ກົດ­ໝາຍ ເພື່ອ​ສົ່ງ­ເສີມ​ການ​ພັດ­ທະ­ນາ​ທາງ​ດ້ານ​ເສດ­ຖະ­ກິດ​ຂອງ​ຊາດ​ໃຫ້​ມີ​ຄວາມ​ ເຂັ້ມ­ແຂງ ດັ່ງ­ນັ້ນ ຈຶ່ງ​ເຫັນ​ວ່າ­ການ​ພັດ­ທະ­ນາ ຂພສ ແມ່ນ​ມີ​ຄວາມ​ສຳ­ຄັນ ແລະ ຈຳ­ເປັນ​ໃນ​ການ​ປະ­ກອບ­ສ່ວນ​ເຂົ້າ​ໃນ​ເສດ­ຖະ­ກິດ-ສັງ­ຄົມ​ແຫ່ງ​ຊາດ ຫຼາຍ​ປະ­ເທດ​ກໍ​ປະ­ສົບ​ຜົນ­ສຳ­ເລັດ​ແລ້ວ ໂດຍ​ອີງ­ໃສ່​ເງື່ອນ­ໄຂ​ທ່າ­ແຮງ​ສະ­ພາບ​ຕົວ​ຈິງ ແຕ່​ກໍ​ບໍ່​ໝາຍ​ຄວາມ​ວ່າ ທຸກ​ເຂດ​ທີ່​ສ້າງ­ຕັ້ງ​ເປັນ ຂພສ ຈະ​ປະ­ສົບ​ຜົນ­ສຳ­ເລັດ ແລະ ຍືນ​ຍົງ​ສະ­ເໝີ​ໄປ ດັ່ງ­ນັ້ນ ການ​ກຳ­ນົດ​ທີ່​ຕັ້ງ ແລະ ເປົ້າ​ໝາຍ​ການ​ພັດ­ທະ­ນາ ຂພສ ແມ່ນ​ມີ​ຄວາມ​ສຳ­ຄັນ​ທີ່​ສຸດ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s